DIALETTO CHE PASSIONE

I mai provàat ,da pensionàad,

 come l’è düra tiràa föra un bigliet del treno da chi masc’nit che a ghé al dì d’incöö ni sc’tazion ? Boton da chi e boton da la … boton e pöö amò boton … boton da sc’chisciàa … domà con i dìit … mia con i man … Ié problemi sora problemi quando til sé mia cosa tocàa ! Mi a ma domandi se per nüm vegit a ghé mia quaicos da püsée semplic’ … quaicos püsée ala man … prima da vedes sempro el treno sc’capàa via sota ai öc’ ..! U saresa mei podée fàa el bigliet diretament sül treno … con la tesera da pensionàad … senza sc’chisciàa boton … con un bel contat tra person ..!

  L’è scià la primavera 

 Bütando via l’ültima fiocada a ghé fiorìid el persich e l’è rinverdìid el pràat… Amò iéer iera domà di picoi büt … picoi come giandìt da scerés selvadigh … Incöö ié già fiòor coloràad … nasüüd con una grand presa da vedée el mond … con una grand vöia da fas carezàa dal sòo cald del dì da San Giüsep … Anca i mé öc’ i riflet da colòor rosa come i fiòor da persich … e mi a resc’ti chi … a boca verta … soridendo content …