L’è domà un pònt … ma l’é un pònt particolàar …
che u fa da colegamènt tra i dò sc’pònd d’una valada .
Da un po’ da temp in scià tuc’ in pàrla e a sa sc’copris di nöov esc’cürsionista …
curiòos nel vedée un pont lungh la beleza da 270 meter …
che u bàla quasi mia e che u permèt sü in montagna da colegàa dü Comün …
Oramai el sentée tradizional col temp l’è sc’tai abandonàad.
Adès l’è tüt ben segnalàad … e sa véed tanta gent,
sia türisc’ta che tipi dela regiòn, che i vöör fàa el circuito in un para d’ òor.
Anca mi a som partìid una matina presc’t per vedél … in una giornàda che pioveva …
Ma … uhei che salida … da Moncaràs in sü … sc’calìt dopo sc’calìt … tra i filàar dela vigna …
su una bela collina da indoa in autün i tira föra del bon vin.
E quando a sa riva in alt … a sa sc’coprìs el pònt … che gioia … anca mi a ga lo faia a rivàa sü !
A 700 meter d’altitüdin la incomincia l’aventüra tibetana …
el panorama u sa verd definitivament … e guardando lontàn u t’aiüta forse a vinc’ la pagüra
che la podrésa rivàt ados quando ti méti sü i pè süla paserela …
con el fiüm dela Val da Sementina che u pasa 130 meter sòta al pont …
e caminando nela nebbia, che la nasc’cond la metà da là del pont,
a sa ga mia la sensazion dela lungheza real … e u somea püsée lungh da chel che l’è !
Ciöö… aiüt… col parapet “minimalisc’ta” !
Lanini GianClaudio
Nessun commento:
Posta un commento