8

^

breaking news ATTE GAMBAROGNO

Atte Gambarogno Atte Gambarogno giovedi 01. marzo 2018 si svolgerà la consueta tombola con compleanni presso la Sala Rivamonte di Quartino inizio ore 14.00

lunedì 17 ottobre 2016

La natüra senza colòor

 Dopo düü dì d’acqua,
guardando ben el làagh a dü pas dal  Debarcadéro  da Ténér, 
a védi che la  riva l’è amò biòta … 
la manca completament l’acqua 
e per podée bagnàs i pè, o magari anca i ginöc’, 

a ghé da nàa denta un bel po’ … via disc’tand dala riva …
Una riva mal cürada che la s’è disc’tacada dal làagh …
Ades a ghé pü domà sas e bocioni che vanza föra dala palta …
Quando pöö el sòo ala fìn dela giornada 
u s’è sc’basàad in un tramonto pitosc’t sc’cüür  
sula sinistra del pontil tüt  l’è diventàad püsée tetro … 
tüt  l’è  püsée grìis … 
e a sa véed i pài del Debarcadéro che i vanza sü da l’acqua 
sc’cüur come i negri d’Africa  
perché i somea püsée alt del normàl …
El vörée imbarcàs sula paserèla ades per la géent l’è pitosc’t pericolòos
perché l’è diventada tüta in discesa …
Se el livèl de l’acqua  u continuerà  a sc’basàs 
el batèl  u tocherà el fond del làagh 
come i barchét metüüd a süc’ süla riva …
Incöö l’è tüt senza vita e senza colòor …  
i nüvoloni négher amò carich d’acqua 
  i fa mia spéràa in un doman col sòo …


Lanini Gian-Claudio

Nessun commento: