Ò fai dü pas in colina
e pöö ... andando in sü,
sempro püsée in alt ... denta nel bosc`ch ,
a sentivi come
quaidün che
u ma vegniva adré ..!
A sentivi come quaidün che parlava ...
ma ... a ma volti ... e pö a ma rivolti ...
macché ... a ghé nesün ..!
Ma chi che u sarà …. a ma som domandàad …
bé ... risc’posc’ta a né mia rivàad ...
e alora ò continuàad a caminàa da per mi ...
sempro sota l’acqua ...
A un certo moment
... iè pü di vòos che a senti ...
no ... l’é come una müsicheta !
A ma giri amò per vedée ... anzi ... per sentìi
püsée ben ...
ma ... a ghé propi nesün..!
E alora a continui la mè pasegiada,
sempro sota l’acqua e con vert l’ombrèla ..!
Dopo un un pò
a ma fermi ... a ma guardi in gìir ...
a guardi la natüra ... a fò un po’ da riflesion
..!
Ié tanti i
riàa e i casc’càad che a vedi ...
lòor i va in giò ... a ghé chi che i va a desc’tra
...
a ghé chi che i va
a sinisc’tra ...
A un certo moment, ma guarda un po’che sc’trano,
a senti amò come una bela müsicheta !
Ma tana ...
l’è el son del’acqua che scivola in giü ...
che tra salti e cürvi la fa come una müsica
che la sa mesc’cia con el tich e tach de’ l’acqua
che pica giò süla mé ombrela ...
Eco ... l’é come una vera sinfonìa,
una sinfonìa che però la riva dala natüra ..!
GianClaudio Lanini
Nessun commento:
Posta un commento