La par 'na fesa d'arànz
portada a spass da la bìsa
ca pecéna la lama di scim.
La fa poca lüs
ma i stell che ga fa compagnia
i ga dà un colp da man
col fill di so ragg
ca s'intrezza in dal ciel
L'ann nov u respira in la cüna
inséma al Bambin dal Betlèm
ca finiss a genàr.
I sòna ì campann....
a gh'è scià la Befana:
che solièv per la gent
se i tri quart da la lüs
che ga manca a la lüna
la s'pizzàss in dal cör
di "pilota dal mund"
che i parla da päs
con la vós di canon !
Diego Invernizzi
Nessun commento:
Posta un commento